Drejtori i Zjarrfikëses sqaron se në ngjarjen e Velipojës ka pasur rrjedhje gazi

Drejtori i Repartit Zjarrfikës në Shkodër, Agrin Dibra sqaroi se nuk ka pasur shpërthim, por rrjedhje gazi në hotelin në Velipojë, ku mbetën të plagosur 4 anëtarët e familjes Gjoka.

“Kjo është një rrjedhje gazi e bombolave të kampingut që fatkeqësisht janë jashtëzakonisht të rrezikshme, sidomos në pjesën e Velipojës, pasi këto bombola rrinë gati 10 muaj pa u përdorur”, u shpreh z. Dibra, teksa shtoi se gominat e bombolave forcohen dhe kur vendosen sërish në punë, këto krijojnë rrjedhje gazi.

Për ngjarjen e një dite më parë mungesa e dëshmive të personave të familjes e vështirëson hetimin.

Aktualisht 4 familjarët e plagosur janë duke marrë mjekim intensiv në repartin e Djegie-Plastikës në QSUT dhe sipas mjekëve, gjendja e tyre shëndetësore vazhdon të jetë e rëndë.

Nëna është në gjendje disi më të stabilizuar me djegie në 60 për qind të trupit, ndërsa tre fëmijët janë në gjendje më të rënduar, me 85-90 për qind diegie të trupit.

LEXONI GJITHASHTU:

• “Me djegie në 90 për qind të trupit”, mjekët thonë se hedhja në pishinë nuk i ndihmoi të plagosurit e Velipojës
• I afërmi i familjes së plagosur nga shpërthimi në Velipojë: Erdhën një ditë më parë për të pastruar hotelin
• Shpërthen bombola e gazit në një hotel në Velipojë, plagosen 4 anëtarë të një familjeje, mes tyre një fëmijë