Dritan Hoti: Marrëdhëniet SHBA-Rusi ndodhen në pikën më të ulët

Dritan Hoti, pedagog për Marrëdhëniet Ndërkombëtare thotë se takimi mes Joe Biden dhe Vladimir Putin ka ardhur në një moment kur marrëdhëniet mes SHBA dhe Rusisë ndodheshin në pikën më të ulët.

Sipas tij ky takim i mbajtur në Gjenevë ka frenuar degradimin e mëtejshëm të marrëdhënieve mes dy superfuqive.

Pedagogu Hoti i cilëson deklaratat e bërë nga Putin pas takimit si “protokollare”, pasi në realitet “marrëdhëniet mes dy vendeve nuk janë aspak të mira, janë në gjendje agresivitet dhe rivalitet që nuk e kemi parë që pas Luftës së Ftohtë”.

Dritan Hoti gjatë një interviste në Euronews Albania tha se një nga çështjet problematike lidhet me Ukrainën dhe sigurinë në Evropë.

“Rusia me Ukrainën do të ishte një Rusia Perandorake, Rusia pa Ukrainën do të jetë një shtet komb. Kjo është thembra e Akilit, është e lidhur me sigurinë në Evropë, është e lidhur me praktikat e diplomacisë dhe spiunazhit rus në Evropë që është sponsorizimi i ekstremit të djathtë dhe populizmi për të prodhuar njëlloj çrregullimi në Evropë”, u pedagogu për Marrëdhëniet Ndërkombëtare.