‘Dron edukues’ nëpër Tiranë për shoferët që shkelin rregullat

Policia e Tiranës ka vendosur në terren “Dronin edukues” për të identifikuar shkelësit e rregullave të qarkullimit rrugor.

Pajisja më e re inteligjente  është në përdorim të Komisariatit të Policisë Rrugore Tiranë, dedikuar veçanërisht për konstatimin e shkeljeve rrugore të pozicionimit të mjeteve në korsinë apo karrexhatën e duhur, sipas drejtimit dhe qëllimit të lëvizjes.

“Kujdes! Ndryshimi i drejtimit apo i korsisë duhet të kryhet në përputhje me parashikimet e nenit 152 të Kodit Rrugor, ndërsa pozicionimi i mjetit në karrexhatë duhet të kryhet sipas nenit 141 të këtij ligji. Respekto rregullat e qarkullimit rrugor, shpëto jetë”, thuhet në njoftimin e policisë.

LEXONI GJITHASHTU:

• 1610 gjoba dhe 683 patenta të hequra në 1 javë për shpejtësi mbi normën
• 224 gjoba në vit për boritë, shoferët e autoveturave më të pabindurit