Dronë të paidentifikuar fluturojnë mbi bazat amerikane në Britaninë e Madhe
Një numër avionësh të telekomanduar janë parë të fluturojnë mbi tre baza ajrore në Britaninë e Madhe.
Dronët, prania të cilëve u konstatua mes së mërkurës dhe së premtes, fluturuan mbi bazat e përdorura nga Forcat Ajrore Mbretërore Lejkën Hith, Millden Holl dhe Feltëell, të gjendura në kontetë Sufolk dhe Nofrolk.
Forcat ajrore amerikane, që përdorin bazat në fjalë, deklaruan se në këtë fazë është e paqartë nëse prania e dronëve mund të konsiderohej armiqësore.
Gjithashtu, autoritetet ushtarake refuzuan të komentonin nëse ishte përdorur ndonjë mekanizëm mbrojtës, por e vunë theksin tek e drejta për të mbrojtur bazat.
“Mund të konfirmojmë se sisteme të vogla ajrore të telekomanduara u konstatuan në afërsi të tre bazave. Numri i tyre ndryshonte dhe po ashtu edhe përmasat e tyre”, ka deklaruar një zëdhënës i Forcave Ajrore Amerikane në Evropë.
Ai ka shtuar se, prania e tyre u mor seriozisht nga përgjegjësit e sigurisë së bazave, të cilët pasi i monitoruan objektet fluturuese arritën në përfundimin se ato nuk përbënin rrezik konkret për të pranishmit dhe infrastrukturën e bazës.
Megjithatë, zëdhënësi ka refuzuar të tregojë se kush mund të jetë përgjegjës për dërgimin e avionëve të vegjël.
Italia dhe Franca kundërshtojnë planin e BE-së për të ndaluar ish-luftëtarët rusë për hyrjen në bllok
Tërmeti në Venezuelë, rritet në 1,430 numri i viktimave. Vijojnë operacionet e kërkim-shpëtimit
Aleksandër Vuçiç njofton dorëheqjen: Do të jem president vetëm për disa javë
- 20:04 Njëri prej tyre kishte thyer këmbën, shpëtohen dy turistët e bllokuar në Kanionet e Gjipesë (VIDEO)
- 20:01 LIVE- Dita e 28-të e protestës, qytetarët mblidhen para Kryeministrisë
- 19:54 Italia dhe Franca kundërshtojnë planin e BE-së për të ndaluar ish-luftëtarët rusë për hyrjen në bllok
- 19:43 Nis marshimi, qytetarët mblidhen para Kryeministrisë
- 19:33 Tërmeti në Venezuelë, rritet në 1,430 numri i viktimave. Vijojnë operacionet e kërkim-shpëtimit
- 19:31 Aleksandër Vuçiç njofton dorëheqjen: Do të jem president vetëm për disa javë