Dy të vdekur dhe 123 të shëruar nga Covid-19 në Kosovë

Ministria e Shëndetësisë së Kosovës bën të ditur se në 24 orët e fundit ka kryer 589 teste të dyshuara për Covid-19, ndërsa 43 prej tyre kanë rezultuar pozitivë.

Listës së të shëruarve i janë shtuar edhe 123 pacientë të tjerë, ndërkohë dy qytetarë kanë ndërruar jetë duke e çuar numrin e viktimave  627, që nga fillimi i pandemisë.

“Gjatë 24 orëve të fundit, janë shëruar 123 pacientë derisa numri i përgjithshëm i të shëruarve deri më sot është gjithsej 13.677 raste, kurse numri i rasteve aktive është 1.359”, njofton Instituti Kombëtar i Shëndetësisë Publike të Kosovës.

Rastet pozitive në Kosovë:

Rastet pozitive janë nga komuna Prishtinë 15 raste, komuna Fushë Kosovë 4 raste, komuna Prizren 4 raste, komuna Gjilan 3 raste, komuna Mitrovicë 3 raste, komuna Podujevë 2 raste, komuna Skenderaj 2 raste, komuna Suharekë 2 raste, komuna Viti 2 raste dhe me nga një rast Drenas, Ferizaj, Gjakovë, Kamenicë, Lipjan dhe Vushtrri.

Autoritetet shëndetësore kanë ftuar qytetarët të respektojnë masat anti-covid, të ruajnë distancën fizike, të shmangin grumbullimet masive si dhe të vendosin maskë në ambientet e mbyllura.