Dy të vdekur nga COVID-19 në Kosovë, bie numri i infektimeve

Kosova në dhjetë ditë e fundit ka shënuar një ulje të ndjeshme infektimesh dhe vdekjesh si pasojë e COVID-19.

Ministria e Shëndetësisë thotë se dy persona kanë vdekur dhe 42 të tjerë janë infektuar gjatë 24 orëve të fundit.

Sipas autoriteteve, shkalla e pozitivitetit është konfirmuar pas janë kryer 3472 testime të dyshuara.

Një tjetër e dhënë, e cila tregon përmirësimin e situatës epidemiologjike në Kosovë është numri i shërimeve.

Autoritetet theksojnë se në orët e fundit 409 qytetarë janë shëruar, duke e çuar totalin e tyre mbi 154 mijë, që nga fillimi i pandemisë.

Rritja e të shëruarve ka bërë që numri i rasteve aktive me COVID-19  të ulet në mënyrë drastike.

Aktualisht në të gjihë komunat e vendit numërohen 2559 raste aktive, ndërsa MSH-ja u bën thirrje qytetarëve t’u drejtohen qendrave shëndetësore për të marrë vaksinën anti-COVID.