Dy të vdekur, tre në gjendje të rëndë nga temperaturat e larta në Qipro

Një tjetër person i moshuar ka ndërruar jetë në Qipro për shkak të nxehtësisë, dhe tre pacientë të tjerë të moshuar janë në gjendje të rëndë që nga fillimi i valës së nxehtësisë një javë më parë, kur u regjistruan temperatura rekord për muajin qershor, njoftuan të dielën shërbimet shëndetësore qipriote.

Një grua 84-vjeçare vdiq pasi u shtrua në spital të premten duke e bërë dy numrin e personave që kanë vdekur nga i nxehti, raportoi AP.

Temperaturat në Qipro kaluan 40 gradë Celsius këtë javë.

Gjithashtu, nxehtësia ka shkaktuar zjarre dhe temperaturat e larta së bashku me erërat e forta e kanë bërë të vështirë shuarjen e tyre, përfshirë në një zonë malore në jugperëndim të kryeqytetit Nikosia, ku më shumë se 3.2 kilometra katrorë pyje janë djegur dhe ku zjarri kërcënon të përhapet në një fshat.

LEXO GJITHASHTU:

• I nxehtë ekstrem në Athinë, temperatura e asfaltit arrin rekordin 96.2 gradë celsius
• Vala e të nxehtit “përfshin” Ballkanin, në Greqi nesër 43°C