Dy vite nga agresioni rus, ambasadori i Ukrainës në Shqipëri: Ju jam mirënjohës

Është zhvilluar këtë të shtunë një manifestim në shenjë solidariteti për Ukrainën, e cila shënon sot dy vite të qëndresës së saj kundrejt agresionit rus.

Ambasadori i Ukrainës në vendin tonë  Volodymyr Shkurov mbajti fjalën e tij në këtë aktivitet, ku tha se ndihej mirënjohës për mbështetjen dhe solidaritetin e treguar nga Shqipëria për popullin e Ukrianës.

“Ju falënderoj për mbështetjen dhe solidaritetin për atë që ne jemi këtu sot, për të dënuar agresionin rus ndaj Ukrainës. Asnjëherë nuk do e harrojmë mëngjesin e para dy viteve si sot. Këto dy vite agresioni na kanë treguar cilët janë miqtë dhe armiqtë tanë.

Ukrainasit guximtarë patën besim në veten e tyre dhe po luftojnë edhe sot për fitoren ndaj agresorit. Më dhemb kur e them që Rusia po mbledh trupa dhe numër të madh ushtarësh. Mbi 20% e Ukrainës është sot e pushtuar. Tani Rusia ka rritur numrin e sulmeve masive mbi territorin ukrainas me përdorimin e raketave dhe dronëve të ndryshëm.

Jam mirënjohës për qeverinë shqiptare që ka zgjatur rezidencën për ukrainasit që u detyruan të largohen nga vendi i tyre. Falënderoj aleatët tanë që kanë dhënë ndihmën e tyre të çmuar. Dua të falënderoj bashkinë e Tiranës për ndihmën e vazhdueshme dhe një përshëndetje për të gjithë pjesëtarët e politikës shqiptare dhe përfaqësuesit e ambasadave që janë prezentë këtu ”, u shpreh ambsadori.

LEXONI GJITHASHTU:

• Dy vite luftë mes Rusisë dhe Ukrainës, çfarë pritet të ndodhë në vazhdim
• “30% e shoqërisë pranon komunitetin LGBTI”/ Malaj: Mendjehapurit e pranojnë tjetrin!