“30% e shoqërisë pranon komunitetin LGBTI”/ Malaj: Mendjehapurit e pranojnë tjetrin!

Sondazhi i fundit i “Barometrit” në Euronews Albania, i ka vendosur qytetarët përballë pyetjeve që kanë të bëjnë me komunitetin LGBT+ në vendin tonë.

Në përgjigjet e pyetjeve të bëra për qytetarët është i dukshëm niveli i lartë i mos njohjes se përgjithshme me këtë komunitet.

Pedagogia Nora Malaj e ftuar në emisionin ‘Barometri’ në Euronews Albania, u shpreh se jemi në një situatë ku vetëm 30% e pranon komunitetin LGBTI.  Ajo tregoi rastet kur personat e këtij komuniteti keqtrajtoheshin, jo vetëm nga shoqëria por dhe familja.

“Më  duket një rezultat real. Në 2009 ishte e pamundur të flitej. Në 2021 jemi në një situatë që 30% e pranojnë. Edukimi duhet të filloj që në moshë të vogël. Njerëzit që kanë një mendje më të hapur e pranojnë atë tjetrin dhe në një orientim që ne na duket e çuditshme. Më ndodhi një fakt i dhimbshëm kur unë kam qenë në 2000, tek “Qemal Stafa”,ku kam pasur raste të individëve që janë keqtrajtuar. Aty kam kuptuar se drama sa familjare, sa sociale, sa intelektuale dhe e papranueshme në komunitetin ku rrinim. Kur vjen puna ke familja dhe te martesa jemi ende tek tradita. Është një analizë shumë pranë të vërtetës”-tha ajo.

LEXONI GJITHASHTU: 

• Karnavalet e Shkodrës/ Spiropali shfaqet me maskë dhe e veshur me të bardha
• Durrës/ I përfshirë në vrasjen e babait, arrestohet djali i viktimës (Emri)