Dymbëdhjetë viktima në Kosovë nga Covid-19

Kosova vijon të raportojë raste të larta të personave të prekur me Covid-19. Gjatë 24 orëve të fundit në vend kanë ndërruar jetë 12 qytetarë, ndërsa janë zbuluar 529 raste të reja nga 4413 teste të bëra nga grupi i epidemiologëve.

Që nga fillimi i epidemisë, Kosova ka raportuar 1988 humbje jete, kurse numri i personave që kanë mposhtur coronavirusin ka shkuar mbi 82 mijë.

“Numri total i rasteve pozitive është 97.996 raste nga 475.417 persona të dyshimtë në virusin SARS-CoV-2 dhe 1.988 raste të vdekjes. Gjatë 24 orëve të fundit, janë shëruar 503 pacientë derisa numri i përgjithshëm i të shëruarve deri më sot është gjithsej 82.064 raste, kurse numri i rasteve aktive është 13.944”, njofton IKSHPK-ja.

Rastet pozitive janë nga komunat:

Prishtinë 194 raste, Mitrovicë 66 raste, Gjilan 60 raste, Podujevë 31 raste, Pejë 27 raste, Ferizaj 18 raste, Gjakovë 18 raste, Skenderaj 16 raste, Vushtrri 14 raste, Fushë-Kosovë 13 raste, Lipjan 12 raste, Kamenicë 8 raste, Shtime 8 raste, Drenas 6 raste, Prizren 6 raste, Istog 5 raste, Viti 5 raste, Klinë 4 raste, Obiliq 4 raste, Rahovec 4 raste, Kaçanik 3 raste, Malishevë 3 raste, Suharekë 2 raste dhe me nga një rast komunat Deçan dhe Zubin-Potok.

Në përpjekje për të frenuar përhapjen e mëtejshme të Covid-19, Kosova vijon të kryejë vaksinimin dhe aktualisht ky proces po vijon tek personat mbi moshën 80 vjeç.