Dyshime për një vatër infeksioni me Murtajën e Ruminantëve të Vegjël në bashkinë e Ersekës

Drejtori i Përgjithshëm i Autoritetit Kombëtar të Veterinarisë Roland Mecaj ka njoftuar se Shërbimi veterinar i juglindjes ka marre mostrat e një tufe bagëtish të dyshuara si të infektuara dhe janë dërguar për analiza laboratorike. Sipas analizave fillestare, tufa është konfirmuar si e infektuar me murtajë por duhet pritur përfundimi i analizave.

“Ky vit është specifik kemi tufa qw nuk shfaqin shenja klinike por e mbartin infeksionin. Sipas analizave laboratorike fillestare, kemi një konfirmim për një vatër për qarkun e Korçës presim analizat e dyta përfundimtare. Në qoftë se do kemi konfirmim me ruminatet e vegjël do merren masat e nevojshme”, tha ai.

Nga ana tjetër, drejtori i përgjithshëm i Autoritetit Kombëtar të Veterinarisë ka bërë me dije se të gjithë blegorët në vend, përfshi dhe ato të juglindjes, të cilët vitin e kaluar kanë humbur fermat e tyre blegtorale per shkak të Ruminantëve të Vegjël do të shpërblehen për dëmet e shkaktuara.

“Ka dëmtuar 2200 krerë të imta e gjithë vlera do dëmshpërblehet nga buxheti i shtetit. Është në proces kalimi i vlerave financiare nga shërbimet veterinare. Vlera është alokuar dhe është në proces” , shtoi ai.

Vitin e kaluar ka patur me qindra krerë të imtash të ngordhura per shkak të këtij infeksioni ndërsa me urdhër të ministrit të bujqësisë se fundmi është ndaluar shtegetimi i blegtorisë nga vendet fqinje përfshi dhe Greqinë.