Dyshohej se po përdorej për trafik njerëzor, aeroplani ndalohet në Francë

Një aeroplan me 303 pasagjerë indianë është ndaluar në një aeroport në Francën verilindore nën dyshimin për trafikim njerëzor, raportojnë mediat franceze. Airbus A340 po fluturonte nga Emiratet e Bashkuara Arabe për në kryeqytetin e Nikaraguas, Managua.

Ai u ndal gjatë një ndalese teknike në aeroportin e vogël Vatry në departamentin Marne të enjten pas një “informacioni anonim”, thonë prokurorët.

Disa persona janë izoluar në aeroport, të cilin policia e ka mbyllur. Një hetim është nisur për kushtet dhe qëllimin e udhëtimit, thanë zyrtarët lokalë. Ata shtuan se disa nga pasagjerët besohet të jenë emigrantë të paligjshëm. Dy pasagjerë janë arrestuar.

Një deklaratë nga zyra e prefektit Marne tha se pasagjerët u lejuan të qëndronin në avion në fillim, por më vonë salloni i mbërritjes së aeroportit u shndërrua në një zonë pritjeje me shtretër.

Avioni është në pronësi të kompanisë charter rumune Legend Airlines. Një avokate e firmës, Liliana Bakayoko, i tha kanalit francez të lajmeve BFMTV se ishte gati të bashkëpunonte me autoritetet franceze dhe shpresonte që avioni të mund të nisej në dy ditët e ardhshme.

LEXONI GJITHASHTU:

• “Berisha po përgatit partinë për atë që do ndodhë”, gazetari tregon prapaskenat
• Aktori amerikan sulmohet nga një grua. Iu fut në shtëpi dhe e qëlloi me armë