Silvana Hamzai, nëna e Renato Hamzait (Reni i Elbasanit) i zhdukur që në 2014 ka thënë për Euronews Albania se gjithmonë e kanë ditur që trupi i gjetur në një fshat të Librazhdit ishte djali i saj.
Me lot në sy ajo kërkoi zbardhjen e krimit për të cilin ajo fajëson policinë, prokurorinë dhe mjekësinë ligjore, që sipas saj kanë dorë në fshehjen e ngjarjes.
“E kemi ditur gjithmonë që ai ishte trupi i Renatos, por na e kanë mbajtur të fshehte policia dhe prokuroria!”, tha Silvana Hamzai.
Nëna e Renato Hamzait është njoftuar nga mediat dhe nuk ka pasur asnjë njoftim nga policia lidhur me zhvillimin e sotëm.
Ajo akuzon për korrupsion policinë e Elbasanit dhe prokurorin e çështjes pasi sipas saj janë përpjekur ta fshehin ngjarjen dhe ish të dashurën e Renit si bashkëpunëtore për vrasjen dhe zhdukjen e trupit të tij.
Trupi u gjet në fshatin Babie të Librazhdit 9 muaj pas zhdukjes së Renit të Elbasanit. Në atë kohë familja nuk u lejua që të përpiqeshin për identifikimin.
Ka dyshime se këngëtari i muzikës tallava Renato Hamza, mund të jetë ekzekutuar nga një grup kriminal që operon në zonën e Shqipërisë së Mesme, pasi për të riun kanë pasur dyshime se mund të ketë qenë dëshmitarë i një ngjarjeje kriminale që ky grup kishte kryer.
Prej qershorit 2014, familja e këngëtarit të muzikës tallava Renato Hamza, nuk ka asnjë informacion për fatin e 21-vjeçarit në atë kohë nga Elbasani.
LEXONI GJITHASHTU:
- Zhvarroset 1 kufomë, dyshohet se i përket Renit të Elbasanit, zhdukur 8 vjet më parë
- Zbulohet një dhomë tjetër torturash në Ukrainë
