E konfirmon Kremlini, Putin nuk do të marrë pjesë në funeralin e Prigozhin

29 Gusht 2023 | 12:47

Presidenti rus Vladimir Putin nuk ka në plan të marrë pjesë në funeralin e shefit mercenar të Wagner, Yevgeny Prigozhin, i cili ndërroi jetë nga rrëzimi i avionit me të cilin udhëtonte në afërsi të Moskës. Lajmi u konfirmua këtë të martë nga zëdhënësi i Kremlinit, Dimitry Peskov.

Kur u pyet nëse Putin do të merrte pjesë në funeralin e Prigozhin, Peskov u tha gazetarëve: “Prania e presidentit nuk është parashikuar”.

Peskov shtoi se Kremlini nuk kishte ndonjë informacion specifik në lidhje funeraliN dhe se organizmi ishte në dorë të familjarëve.

Një ditë pas rrëzimit të avionit, Putin dërgoi ngushëllimet e tij për familjet e të vrarëve dhe tha se ai e njihte Prigozhin për një kohë shumë të gjatë, që nga vitet kaotike të fillimit të viteve 1990.

“Ai ishte një njeri me një fat të vështirë dhe bëri gabime të rënda në jetë”, tha Putin, ndërsa e përshkroi atë si një biznesmen të talentuar.

Avioni privat Embraer Legacy 600 me të cilin Prigozhin po udhëtonte për në Shën Petersburg nga Moska u rrëzua në rajonin Tver në veri të Moskës më 23 gusht, duke shkaktuar humbjen e jetës të 10-të personave në bord.

Incidenti i avionit erdhi dy muaj pasi Prigozhin dhe mercenarët e tij organizuan një rebelim kundër komandantëve të lartë ushtarakë të Putinit, gjatë të cilit ata morën kontrollin e qytetit jugor të Rostovit dhe avancuan drejt Moskës përpara se të ktheheshin pas, 200 km larg nga kryeqyteti.

Kremlini e ka hedhur poshtë si një “gënjeshtër absolute” sugjerimin e disa politikanëve dhe komentuesve perëndimorë, se ishte Putini ai që urdhëroi që Prigozhin të vritet për hakmarrje.

Nga ana tjetër Presidenti i SHBA Joe Biden tha javën e kaluar se ai nuk ishte i befasuar nga vdekja dhe se pas çdo gjëje që ndodh në Rusi fshihet Putin.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

250-vjetori i SHBA-së, Trump shpall 16 ditë festime: Amerika është kthyer

Presidenti Donald Trump hapi një festë 16-ditore të 250-vjetorit të Shteteve të Bashkuara me një tubim politik të mërkurën, fillimi i festimeve të formësuara nga...
10:51 | 25/06/2026

Presidenti zviceran do të vizitojë SHBA-në, kërkon marrëveshje tregtare mbi taksat e Trump

Presidenti zviceran, Guy Parmelin do të vizitojë Shtetet e Bashkuara dhe do të takohet me Përfaqësuesin e Tregtisë të SHBA-së Jamieson Greer javën e ardhshme,...
10:43 | 25/06/2026

Rubio viziton Bahreinin duke kërkuar mbështetjen e Gjirit për marrëveshjen me Iranin 

Sekretari i Shtetit i SHBA-së, Marco Rubio do të takohet me zyrtarë të Bahreinit të enjten në pjesën e fundit të një udhëtimi në Lindjen...
10:35 | 25/06/2026