“E marta dhe e mërkura ditët më të ftohta”, parashikimi i motit për javën

Meteorologu Hakil Osmani bëri me dije se këtë javë temperaturat do të jenë shumë të ulëta.

Sipas tij vlerat minimale të temperaturave do të zbresin nga -6 në -9 gradë celsius në zonat malore, ndërsa në fshatrat malore temperaturat do të jenë ehe 3 gradë më të ulëta.

Përsa i përket kushteve atmosferike ai njoftoi se do të kemi dominim të kthjellimeve, kalime të pakta të vranësirave, nuk pritet të ketë reshje.

“Nga dita e premte e kësaj jave pritet që temperaturat të rriten”- shton ai.

Osmani thekson se dy ditët e ftohta priten të jenë e marta dhe e mërkura, ku në zonat malore do të zbresin në -9 ndërsa në fshatrat e thella malore temperaturat e ajrit do të jenë akoma më të ulëta.

“Dhe në kryeqytet temperaturat e ajrit do të jenë nga 0 në -2 gradë celsius. Kjo i adresohet masave ajrore të ftohta që vijnë nga Siberia dhe po prekin rajonet e Ballkanit”-përfundon ai.

LEXONI GJITHASHTU: 

• Tërmeti tragjik në Turqi e Siri, reagon presidenti Bajram Begaj
• Tërmeti më i fortë në shekullin e fundit, shkon mbi 500 numri i viktimave në Turqi