E moshuara del nga azili ku u dhunua, dhëndri: Vuan nga alzheimeri

E moshuara që u dhunua nga infermieret në azilin e pleqve ‘Orenda’ në Pejë është marrë nga familjarët e saj.

Mediat e Kosovës bëjnë me dije se ishte dhëndri që e mori ndërkohë ka dhënë dhe një deklaratë për mediat.

Ai ka thënë e gjitha ka ardhur pas publikimit të videos, ndërsa shtoi se e moshuara vuan nga alzheimeri dhe nuk ka treguar ndonjëherë që është keqtrajtuar.

“Vuan nga alzheimeri dhe nuk ka mundur ta japë ndonjë shpjegim ndaj vajzës së saj”, u shpreh ai para gazetarëve ndërsa shtoi ka humbur djalin në moshën 17-vjeçare i cili ishte pjesë e UÇK-së.

Ngjarja e rëndë ka ndodhur në Qendrën për të Moshuar “Orenda” në Pejë, ndërsa video e filmuar u përhap menjeherë në mediat sociale.

I menjëhershëm ka qenë dhe reagimi i autoriteteve të cilët kanë bërë të mundur dhe arrestimin e infermieres, Aurona Pelaj si edhe vajzës që e filmonte.

Të dyja këto të fundit së bashku me dy të tjera janë pezulluar dhe nga puna.

E moshuara e dhunuar është nëna e dëshmorit Taulant Nuraj i cili ka humbur jetën në moshën 17-vjeçare në luftën kundër Serbisë. Në pamjet e publikuara shihet se Pelaj dhunon të moshuarën me shpulla ndërsa në një moment i vendos dhe këmbën në bark.

Veprimi i të resë ndaj të moshuarës ka marrë reagime të shumta në opinionin publik në Shqipëri dhe në Kosovë.

LEXONI GJITHASHTU: 

• Dhuna ndaj të moshuarës në Pejë, reagon Osmani: E patolerueshme
• “E neveritshme”, reagon Ramush Haradinaj për dhunimin e të moshuarës në Pejë