E rëndë në Itali, 15-vjeçari shqiptar përplaset për vdekje nga treni

Një ngjarje e rëndë ka ndodhur mbrëmjen e të dielës në provincën e Breshias në Itali, ku një i mitur i moshës 15-vjeçare me origjinë shqiptare është goditur për vdekje nga treni.

Ngjarja ndodhi në afërsi të stacionit të Chiari-t, teksa 15-vjeçari u përpoq të kalonte shinat e trenit.

Goditja rezultoi fatale për të riun shqiptar i cili nuk mundi t’i mbijetonte plagëve të marra.

15-vjeçari ishte i lindur dhe i rritur në Chiari me prindër shqiptar dhe banonte jo shumë larg vendi ku ndodhi ngjarja e rëndë.

Në vendngjarje mbërritën karabinierët e stacionit Castrezzato dhe ata të Radiomobiles tëë Chiarit, të cilët po vijojnë hetimet për të zbardhur rrethanat e plota të ngjarjes.