‘Edhe dhuna policore është pandemi’: Dita e pestë e protestës për Klodian Rashën në imazhe (Fotogaleri)

Qindra qytetarë u mblodhën në sheshin Skënderbej në Tiranë për të protestuar në ditën e pestë kundër brutalitetit të policisë, duke kërkuar dorëheqjen e Drejtorit të Përgjithshëm të policisë shqiptare, Ardi Veliu, ndërsa nxitën qeverinë të marrë masa për të reformuar policinë në vend. Pas dy orë e gjysmë protestë, policia shpërndau demonstruesit e mbledhur para Drejtorisë së Policisë në Tiranë duke përdorur gaz lotsjellës dhe ujë. Disa demonstrues u arrestuan nga policia, duke iu shtuar shifrës prej dhjetëra protestuesish të arrestuar gjatë ditëve të fundit në protestat e dhunshme.

Këto janë çastet kyçe të protestës së sotme shkrepur për Euronews Albania nga fotoreporterja Loreta Cuka.