Ehat Miftaraj e quan shkelje të Kushtetutës vendimin e presidentes për të shkarkuar Valdete Dakën

Drejtori ekzekutiv në organizatën “Instituti i Kosovës për Drejtësi”, Ehat Miftaraj e quan vendimin e presidentes, Vjosa Osmani për shkarkimin e Valdete Dakës, një shkelje të Kushtetutës.

“Fatkeqësisht presidentja e republikës së Kosovës me vendimin për shkarkimin e znj. Daka, përveç se ka bërë shkelje kushtetuese, po ashtu ka ndryshuar një praktikë, një kërkesë të faktorit ndërkombëtar që ka të bëjë me sigurinë apo pavarësinë e institucioneve të pavarura në Kosovë”, – u shpreh ai.

Z. Miftaraj theksoi se deri më tani PDK-ja dhe AAK-ja nuk i kanë mbledhur votat e mjaftueshme për të çuar këtë çështje në Gjykatën Kushtetuese.

“Në bazë të Kushtetutës së Kosovës, palët e autorizuara në këtë rast për të kontestuar legjitimitetin e vendimit të presidentit, duhet që të kenë firmën e së paku 30 deputetëve të Kuvendit të Kosovës”, – tha ai.

“Duket se në këtë fazë PDK dhe AAK që janë pajtuar që ta bëjnë këtë, ende nuk kanë arritur t’i kenë 30 votat e mjaftueshme për të dërguar këtë iniciativë në Gjykatën Kushtetuese”, – shtoi ai.

LEXONI GJITHASHTU:

• Valdete Daka: Vendimi i presidentes për të më shkarkuar është qesharak
• Presidentja e Kosovës shkarkon kryetaren e KQZ-së, Valdete Daka
• PDK-ja çon në Gjykatën Kushtetuese shkarkimin e Valdete Dakës