Ekipi iranian i futbollit bllokohet në Australi, ndërsa dy anëtarë të tjerë kërkojnë azil

Ekipi iranian i futbollit të femrave është i bllokuar në Australi sepse asnjë vend nuk është i gatshëm të pranojë tranzitin e tyre për t’u kthyer në Iran, tha një burim për CNN Sports.

Autobusi i ekipit ishte nisur nga hoteli më herët të martën dhe mendohej se po shkonte drejt Aeroportit të Gold Coast.

Megjithatë, gazetarja e sportit Raha Pourbakhsh i tha CNN Sports se skuadra që atëherë nuk ka mundur të largohet nga vendi.

Pourbakhsh, i cili punon për Iran International TV, shtoi se dy anëtarë të tjerë të ekipit, një lojtar dhe një trajner, kanë kërkuar gjithashtu azil, pasi më herët 5 prej futbollisteve iraniane fituan të drejtën për azil në këtë vend.

Pjesa tjetër e ekipit mendohet se do të qëndrojë në Sydney gjatë natës.

Ekipi iranian i futbollit të femrave është në Australi pasi luajti në Kupën e Azisë për Femra. Ka frikë se skuadra do të përballet me ndëshkim në Iran pasi qëndroi e heshtur gjatë himnit kombëtar javën e kaluar.

Qeveria e Australisë u ka dhënë azil pesë anëtareve të ekipit të futbollit të femrave të Iranit, të cilat ishin në atë vend për Kupën e Azisë kur shpërtheu lufta në Iran, njoftoi sot një ministër i qeverisë.

Vendimi u mor pas disa ditësh thirrjesh nga organizatat iraniane në Australi, por edhe nga Presidenti i Shteteve të Bashkuara të Amerikës, Donald Trump, i cili u bëri thirrje autoriteteve australiane të ndihmojnë lojtaret femra. Lojtaret e futbollit nuk kishin folur publikisht më parë për dëshirën e tyre për azil, por ato shkaktuan shumë vëmendje në Australi sepse nuk kënduan himnin kombëtar iranian para ndeshjes së parë të turneut.

Të martën herët në mëngjes, policia i transportoi pesë lojtarët nga hoteli i tyre në një vend të sigurt, pasi ata kishin aplikuar për azil. Atje, ata u takuan me Ministrin e Brendshëm, Tony Burke, i cili u tha gazetarëve në Brisbane se procedura për lëshimin e vizave humanitare kishte përfunduar.

“As nuk dua ta imagjinoj sa i vështirë është ky vendim për secilën prej këtyre grave, por mbrëmë pati gëzim dhe lehtësim. Ato ishin shumë të emocionuara që do të fillonin një jetë të re në Australi”, tha Burke, e cila postoi foto të lojtareve në rrjetet sociale duke buzëqeshur dhe duke duartrokitur ndërsa nënshkruanin dokumentet.