Ekonomia globale në rënie, FMN ngre shqetësimin: Po shtrenjtohen kostot e jetesës

Pas Bankës Botërore edhe Fondi Ndërkombëtar Monetar ka lëshuar alarmin se ekonomia globale po shkon drejt recensionit.

FMN thotë se politikat e bankave qendrore me rritjen e normave bazë të interesit si mjet për të luftuar inflacionin po shtrenjtojnë kostot e jetesës së qytetarëve dhe po ulin konsumin.

Fenomeni ka prekur edhe vendet më të zhvilluara të botës, ku në vlerësimin e FMN-së kriza e çmimeve të energjisë elektrike është faktori kryesor.

FMN kërkon që bankat qendrore të koordinojnë masat, ndërsa qeveritë të hartojnë paketa të gjera ndihme për shtresat në nevojë.

Në fund të javës ishte Banka Botërore që foli për kërcënimin e recensionit. Vlerësimet e dy institucioneve parashikojnë ulje të ndjeshme të konsumit dhe thellim të mëtejshëm të varfërisë.

Statistikat tregojnë një nivel mesatar prej 21 për qind të qytetarëve të kërcënuar nga varfëria në BE, ndërsa sipas INSTAT në Shqipëri kjo është 43 për qind. Shifra parashikohet të përkeqësohet nga kriza e çmimeve.

LEXONI GJITHASHTU:

• BB paralajmëron recesionin: Kujdes me normat e interesit, rritja e tyre nuk ndihmon
• Pano Soko: Shqipëria në krizë konsumi, rrezikojmë recesionin