Ekskluzive/ Zbardhet vrasja e vëllait të Talo Çelës    

Tri javë pas vrasjes se Bujar Çelës në një kafe në Bradashesh, policia dhe prokuroria e Elbasanit kanë arritur të zbardhin ngjarjen.

Burime konfidenciale bëjnë me dije për Euronews Albania se në pranga janë vënë disa persona. 

Detajet e operacionit pritet të bëhen me dije në orët në vijim, ndërsa muajt e fundit në Elbasan janë zbardhur edhe 2 vrasje të tjera ajo e Regnis Runaj dhe Emiljano Ramazanit, duke vënë në pranga ekzekutorët dhe porositësin e vrasjeve.

61-vjeçari Bujar Çela dyshohet se u vra për shkak të konflikteve të vëllait të tij Talo Çela, i cili është personi më i kërkuar në Shqipëri dhe për “kokën” e tij policia ka vënë në dispozicion një shpërblim prej 10 mijë eurosh për këdo që jep informacion mbi vendndodhjen.

Pak ditë me parë, kryeprokurori Olsion Çela foli me tone të ashpra në Elbasan, ku kërkoi luftë pa kompromis me krimin e organizuar që sipas tij sundon qytetin.

Lexoni gjithashtu:

Vritet në një atentat në Elbasan vëllai i të shumëkërkuarit Talo Çela

Ekzekutimi i vëllait të të shumëkërkuarit për grabitjen e Rinasit, gazetari i Euronews Albania sjell detajet