Eksperti Elezi: Ambientalisti Ferruni nuk mund të ndërhyjë në çështjet energjitike

Eksperti i sigurisë, Eduard Elezi deklaroi se çmimi i energjisë elektrike nuk duhet rritur, teksa shtoi se nga qeveria ka pasur një keqmenaxhim.

Në emisionin “Good Morning Albanians” në Euronews Albania, Elezi u shpreh se ambientalisti Lavdosh Ferruni nuk mund të ndërhyjë në çështjet energjitike, por të flasë për ndotjen e mjedisit.

“Unë mendova se do të ketë një diskutim mjedisor zotëria, por ai futet në fushën energjitike pa e njohur fare këtë sektor të energjisë elektrike. Pjesa e tarifave që thotë zotëria, ai nuk e njeh fare, që thotë të rritet çmimi. Ka një keqmenaxhim të vitit 2021 dhe 2022 në lidhje me kaskadën e Drinit.

Ka edhe një keqmenaxhim në tenderat që kanë bërë për energjinë elektrike. Zotëria mund të flasë për ndotjen e ambientit, por nuk futet dot te tarifa e energjisë elektrike”, theksoi ai.

Ndërsa, Ferruni thotë se çmimi i energjisë elektrike për familjarët që konsumojnë mbi 800kw në muaj, duhet të kishte hyrë në fuqi në tetor.

Sipas tij, kjo do të bënte që familjet shqiptare të kursenin energji dhe konsumi i tyre të shkojë nën fashën 800kw.

LEXONI GJITHASHTU

• Ambientalisti: Çmimi i energjisë duhet të ishte rritur në tetor
• Çmimi i energjisë, ERE: Hiqet fasha 800 kwh për tetorin
• 185 milionë euro fatura të papaguara, institucioni që harxhon më shumë energji