Eksperti i sigurisë, Softa: Menaxhimi i hapësirës së vijës bregdetare duhet të bëhej që në dimër

Eksperti i sigurisë, Fatjon Softa tha për Euronews Albania se konfliktet për shfrytëzimin e vijës bregdetare janë probleme të hershme, të cilat kanë shkaktuar vrasje.

“Akumulimet e problemeve janë të hershme, këto kanë përfshirë njerëz të fortë, të botës së krimit, kanë përfshirë politikanë të pushtetit lokal, njerëz që kanë ekonomi. Këto situata kanë qenë pjesë e luftërave dhe influencave për vijën e detit”, tha z. Softa.

Sipas tij, menaxhimi i hapësirës së vijës bregdetare nuk duhet të bëhet në qershor, por që në dimër.

“Unë mendoj se nuk duhet t’i vëmë fajin vetëm policisë. Policia është një nga hallkat e shtetit shqiptar, një nga hallkat më të rëndësishme, ku detyrë funksionale e saj është ruajtja e sigurisë e rendit publik”, tha ai, teksa shtoi se këto situata janë komplekse, pasi ka lidhje edhe pushteti lokal, Ministria e Turizmit, kryetari i bashkisë.

LEXONI GJITHASHTU:

• Konfliktet e vjetra po shkaktojnë vrasjet për menaxhimin e vijës bregdetare, thotë eksperti i turizmit, Besnik Vathi
• Shemsi Prençi: Policia ka qenë në dijeni për konfliktin mes dy familjeve në Velipojë
• Dëshmitari i ngjarjes së Velipojës tregon detajet nga momenti para përplasjes ku humbën jetën 4 persona