Eksperti i punësimit Erald Pashaj tha në një intervistë për Euronews Albania se në Shqipëri ka punë, por çështja është te paga.
Ai deklaroi se nga viti 2019 e deri më sot ndryshimi ndihet çdo ditë, por pagat e ulëta nuk shtojnë numrin e të interesuarve për punë.
“Për të qenë të sinqertë nga viti 2019, përveç periudhës së karantinimit që zgjati rreth 3 muaj, pati një vështirësi madje pati dhe shkëputje, rreth 50 mijë punonjës u çregjistruan, më pas filloi një lulëzim shumë i madh i punësimit. Sot që flasim ne jemi ende me një kërkesë të madhe për punonjës, por, është një por shumë i madh, pagat janë të ulëta,” – u shpreh Pashaj.
Sipas tij pagat e ulëta në Shqipëri nuk ofrojnë një jetesë dinjitoze, duke marrë këtu në konsideratë dhe faktin që renditemi të katërtit nga fundi në Europë.
LEXONI GJITHASHTU:
- Si u la në hije Ahmetaj, një prej bashkëpunëtorëve më të ngushtë të Ramës
- Qeveria merr vendim për rritje pagash, kategoritë që përfitojnë
