Eksperti: Politika e taksave të ulëta ka ‘skaduar’, jo konkurruese për ekonominë

Eksperti i ekonomisë, Eduart Gjokutaj deklaroi se politika për uljen e taksave nuk është konkurruese për ekonominë shqiptare.

Në një intervistë për Euronews Albania, Gjokutaj u shpeh se nëse qeveria kryen kontrolle për bizneset apo individët të cilët kryejnë evazion fiskal, nuk ka vend për ulje taksash.

“Duhen parë të gjithë lehtësitë dhe përjashtimet tatimore më së pari, për të arritur një konkluzion se çfarë efektiviteti kanë dhënë deri më sot. Në momentin që dialogon me Ministrinë e Financave për ulje taksash, qoftë si shoqëri civile qoftë si organizatë biznesi apo ekspertë, natyrshëm që rezerva për të kompensuar humbjen në buxhet do të duhet të gjendet te evazioni.

Politika e taksave të ulët, mendoj se ka skaduar si qasje, e  cila mund të jetë konkurruse për ekonominë shqiptare në nivel rajonal. Taksat duhet të jenë pjesa e fundit e instrumentit për të ndikuar mbi vendimet e biznesit. Ajo që duhet të bëjë qeveria, është që të bëjë detyrat e shtëpisë. Nëse bëhet detyra në mënyrën e duhur, nuk ka shumë vend për të bërë ulje taksash”, theksoi ai.

LEXONI GJITHASHTU

• Si do të indentifikohen 300 njerëzit më të pasur nëse nuk kanë deklaruar pasurinë
• Rriten gjobat për bizneset dhe individët që kryejnë evazion fiskal
• 1.2 mld lekë fatura fiktive/ Tatimet zbardhin skemën e mashtrimit me TVSH