Kombinimi rastësor i disa faktorëve atmosferikë krijuan tërheqjen e pazakontë në bregdetin shqiptar më 18-19 mars.

Kështu tha eksperti Osman Metalla në emisionin ‘Sot’ në Euronews Albania teksa shpjegoi se bëhet fjalë për një fenomen natyror që ka të bëjë me krijimin e sinergjisë.

“Janë fenomene që shpjegohen me tërheqjen e trupave qiellore, batica dhe zbatica shpjegohen me tërheqjen e Diellit dhe Hënës. Nuk ndodhin çdo vit. Ka të bëjë me krijimin e sinergjisë. Kur planetet rreshtohen; Dielli, Toka, Hëna në një linjë të drejtë, forca gravitacionale rritet. Ka edhe faktorë të tjerë që e rrisin”, shpjegoi eksperti.

Ai theksoi se më 18-19 mars, kur pati zbaticë ekstreme ishte edhe koha e Hënës së plotë, që tregon se fuqia gravitacionale ishte më e madhe.

Edhe presioni i lartë atmosferik ka ndikuar, tha Metalla, duke bërë që bashkimi rastësor i të gjithë këtyre faktorëve të krijonte zbaticën e pazakontë në detet e Shqipërisë.

LEXONI GJITHASHTU:

• Qytetarët pa alternativa transporti në ditën pa makina, thotë eksperti rrugor
• 40% e ekonomisë në Shqipëri është informale, thotë eksperti i ekonomisë