Ekspertizë arsenalit të armëve, të arrestuarit dalin të dielën para GJKKO

Snajperat me optikë termikë të ngjashme me ato të RENEA-s, të sekuestruara nga policia gjatë operacionit kompleks, kanë shtyrë hetuesit të besojnë se rrjeti i bazave e personave të përfshirë është edhe më i gjerë.

Sipas burimeve nga policia e Tiranës, ekspertiza e arsenalit të armëve në laboratorin shkencor për gjurmë gishtash dhe ajo balistike mund të sjellin prova dhe të dhëna për ngjarje të tjera kriminale të pazbardhura.

Sipas hetuesve, armët dyshohet se janë trafikuar nga jashtë Shqipërisë përmes kufirit të gjelbër dhe janë të rralla për tregun shqiptar.

Ndërkohë, pesë të ndalurit do dalin paraditen e të dielës para Gjykatës së Posaçme kundër Korrupsionit dhe Krimit të organizuar për të njohur me masën e sigurisë.

Hetimi për 18 bazat e armatimit u krye nga SPAK pas referimit nga policia për grup kriminal.

Sipas burimeve nga policia në tregun e zi të armëve, vlera e arsenalit të sekuestruar kaptime qindra mijëra euro.