Ekstradohet nga Belgjika një i dënuar për vjedhje me armë

Një person i dënuar për grabitje me armë është ekstraduar nga Belgjika në Shqipëri. Dritan Kola alias Mark Kola, 43 vjeç është dënuar me 24 vjet burg.

Kola është dënuar nga Gjykata e Shkallës së Parë për Krimet e Rënda Tiranë, në vitin 2018, për vjedhje me armë, plagosje të rëndë dhe grupi i strukturuar kriminal.

43-vjeccari ka qenë pjesë e një grupi të strukturuar kriminal që ka kryer disa grabitje me armë në Shqipëri, Maqedoni dhe Kosovë.

Në vitin 2014, në bashkëpunim me dy persona të tjerë, ka vjedhur me armë në një kompleks në rrugën “Konferenca e Pezës”.

I veshur me uniformë policie, bashkë me persona të tjerë, kanë arritur që të marrin një shumë prej 1 000 000 lekë.