Ekstradohet nga Greqia 44-vjeçari i dënuar për grabitje bankash

Interpol Tirana ka kryer ekstradimin nga Greqia të 44-vjeçarit Afrim Kocaqi, i cili ishte dënuar nga Gjykata  e Fierit me katër vjet burg në vitin 2014 për “pastrimi të produkteve të veprës penale”.

Sipas policisë, nga hetimet paraprake Afrim Kocaqi (mbiemri i mëparshëm Muço), ka depozituar 3.100.000 lekë në një bankë të nivelit të  dytë në Tiranë, veprim financiar pa asnjë përshkrim justifikues i kryer në vitin 2011.

Pas procedimit penal, autoritetet ligjore vendosën të sekuestrojnë shumën monetare, e cila gjendej në bankë, që në momentin e sekuestrimit ishin 2.500.000 lekë.

Afrim Kocaqi bashkë me tre persona nën kërcënimin e armëve grabitën në 2019 një bankë në Egjira të Greqisë, ndërkohë pas dënimit të kryer në shtetin grek, 44-vjeçari do të shlyejë dënimin e caktuar nga Gjykata e Fierit.