Ekzekutimi mafioz i Hekuran Billës, Policia vë në pranga njërin prej autorëve të dyshuar

Hekuran Billa u vra për gjakmarrje. Në këtë konkluzion ka dalë Policia e Tiranës e cila arrestoi njërin prej autorëve të dyshuar Sebastian Malin, nipin e Prelë Markut i cili në vitin 2006 është ekzekutuar në Angli nga Billa.

Sipas burimeve 22-vjeçari ka patur rolin e vëzhguesit ndërsa hetuesit dyshojnë se 2 automjete të tjera veç asaj të vrasësve që u dogj, morën pjesë si bashkëpunëtorë në zonën e Komunës së Parisit.

Njëri prej tyre ka ndjekur Billën ndërsa makina tjetër ka lajmëruar vrasësit se viktima ndodhej i parkuar pranë qendrës tregtare.

Në kërkim për vrasjen është shpallur edhe Viktor Marku, vëllai i Prelë Markut të vrarë në Angli ndërsa policia dyshon se ai mund të jetë larguar jashtë vendit përmes kufirit të gjelbër.

Hekuran Billa në vitin 2006 u dënua nga një gjykatë angleze me burgim të përjetshëm por më pas u ekstradua në Shqipëri ku edhe fitoi lirinë.

Ai ishte pjesë e një bande që grabisnin paratë e parkimit në kasat rrugore të vendosura në Westminister.

Rivaliteti mes grupeve për zonat e vjedhjes çoi në një konflikt,i  cili përfundoi me vrasjen e Prelës, në atë kohë 22-vjeçar dhe plagosjen e 3 personave të tjerë.

Lexoni gjithashtu: 

FOTO l Ekzekutim i tipit mafioz në Tiranë, shkak dyshohet hakmarrja

VIDEO| Skema e atentatit, ndjekja dhe precizioni i qitësit pasagjer në mjetin e autorëve