Elton Bano reagon pas kërkesës së PD-së për përjashtimin e tij nga zgjedhjet

Elton Bano e ka cilësuar shpifje arsyen për kërkesën e Partisë Demokratike për përjashtimin e tij nga zgjedhjet e pjesshme vendore.

Partia Demokratike thotë se ka fakte se Bano ka fshehur një dënim për vjedhje në Britani në periudhën 1998-2000.

Por kandidati për kryetar në Bashkinë Lushnjë deklaroi se nuk ka qenë i dënuar për asnjë vepër penale në shtetet ku ka jetuar.

Përmes një postimi në rrjetin social Facebook, Bano u thotë qytetarëve të Lushnjës se e shkuara e tij është e pastër.

Elton Bano është kandidat për “Shtëpinë e Lirisë” për Bashkinë Lushnjë, në zgjedhjet e pjesshme vendore të 6 marsit.