Emiratet e Bashkuara burgosin 57 bangladeshas për protesta kundër qeverisë së tyre

Një gjykatë në Emiratet e Bashkuara Arabe ka dënuar 57 Bangladeshas me burgim të gjatë për organizimin e protestave në shtetin e Gjirit kundër qeverisë së vendit të tyre.

Sipas mediave të huaja, bëhet me dije se tre nga të pandehurit e paidentifikuar u dënuan me burgim të përjetshëm për “nxitje të trazirave në disa rrugë në mbarë Emiratet e Bashkuara Arabe të premten”, ndërsa 53 të tjerë u burgosën me 10 vjet dhe një me 11 vjet, raportoi agjencia shtetërore e lajmeve Wam.

Ai citoi avokatin e tyre mbrojtës të caktuar nga gjykata të argumentonte gjatë gjyqit të së dielës se tubimet nuk kishin qëllim kriminal dhe se provat ishin të pamjaftueshme.

Protestat janë efektivisht të paligjshme në Emiratet e Bashkuara Arabe, ku të huajt përbëjnë pothuajse 90% të popullsisë. Bangladeshasit janë grupi i tretë më i madh i emigrantëve.

Në Bangladesh, më shumë se 150 njerëz janë vrarë dhe 500 janë arrestuar gjatë ditëve të dhunës së shkaktuar nga demonstratat e udhëhequra nga studentët kundër kuotave në punët qeveritare.

Trazirat janë ndër sfidat më serioze me të cilat është përballur Sheikh Hasina në 15 vite radhazi si kryeministër i vendit.

LEXONI GJITHASHTU:

• 43 të vdekur nga zjarri në një ndërtesë në Bangladesh, shumica gra e fëmijë
• Zjarr në kampin e refugjatëve në Bangladesh, rreth 7000 persona ngelen pa strehë