‘Enea rikthehet në Butrint’, familja Nika jetëson legjendën e Trojës

Një film dokumentar i frymëzuar nga vepra e Virgjilit për Enean dhe ushtrinë e Trojës do të shfaqet në Butrint.

Familja Nika po e risjell në një formë të veçantë për të gjithë artdashësit. Anastasi, aktori kryesor edhe djalin e tij kur lindi e quajti Enea i frymëzuar nga legjenda e Virgjilit.

Kjo legjendë e ngre Butrintin në një tjetër dimension sa i përket historisë botërore. Tashmë ajo do të përjetësohet me zë dhe figurë.

Do të jetë një projekt shumë interesant, i cili do të përkthehet edhe në anglisht”, u shpreh aktori Anastas Nika.

Regjisori Enea Nika tregon rivendosjen e ngjarjeve për legjendën e Butrintit sipas asaj çka ka shkruar tek Eneida, Virgjili.

“Është një projekt goxha i gjatë, ka të bëjë me legjendat që rrethojnë qytetin e Sarandës, zonën e Butrintit, Syrin e Kaltër. Janë legjenda që nuk i njeh pjesa më e madhe e publikut shqiptar”, u shpreh regjisori Enea Nika.

Filmi Dokumentar titullohet “ENEA TROJANI NË BUTRINT”.

Ai do të promovohet në teatrin antik të Butrintit në muajin tetor në një natë premierë.

LEXONI GJITHASHTU:

• Certifikata e vaksinimit kusht për të hyrë në Teatrin e Operas dhe Baletit
• Kosova propozon filmin “Zgjoi” për Oscars 2022