Enver Hoxhaj: PDK-ja ka nevojë për reflektim dhe reformim

Ish-udhëheqësi i Partisë Demokratike të Kosovës, Enver Hoxhaj deklaroi se kjo parti ka nevojë të reformohet, si dhe duhet të ketë reflektim nga ana e saj.

“Jemi mbledhur në këtë Konventë me qëllime të matshme, konkrete dhe të arritshme sepse PDK-ja ka nevojë të reflektojë, të reformohet dhe të modernizohet më tutje”, tha ai nga Konventa, ku pritet të zgjidhet kryetari i ri i partisë.

Z. Hoxhaj shtoi se me thirrjen e konventës së insistuar nga vet ai, ka synuar që gjenerata e re ta marrë drejtimin e partisë.

Ai theksoi më tej se tetë muajt që udhëhoqi këtë parti, nuk kanë qenë të lehta dhe se u kanë borxh anëtarëve të ri që PDK të rikthehet në vend të parë.

Ish-udhëheqësi i PDK-së, Enver Hoxhaj tha se për shkak të problemeve që ka vendi, si opozitë do të jenë bashkë që t’i shërbejnë një fronti të përbashkët opozitar kundër populizmit dhe mashtrimit.

LEXONI GJITHASHTU:

• Kush është Memli Krasniqi, kandidati i vetëm që synon kreun e PDK-së
• Ambasadori i ri amerikan në Kosovë, presidenti Biden nominon Jeffrey M. Hovenier
• 100 ditët e para të qeverisë Kurti, analistët kritikë ndaj qeverisjes së kryeministrit