Epopeja e bosit të “Ferrarit”, me 5.6 mld euro, ndër njerëzit më të pasur në botë

Piero Ferrari hartoi vitin e kaluar një plan për të mbështetur pasurinë që familja e tij ka akumuluar në 7 dekadat e fundit duke prodhuar super-makina, që identifikohen me stemën e kalit të zi.

Tani, teksa bëhet gati të lërë stafetën, pasuria e tij po intensifikohet me një shpejtësi marramendëse.

Piero, 77 vjeç, u bashkua së fundmi me listën e 500 personave më të pasur, për herë të parë teksa filiali “Ferrari NV” po siguron fitime nga blerës të paprekur nga inflacioni në rritje dhe normat e larta të interesit.

Aksionet e Maranello, prodhuesi i automjeteve me bazë në Itali, po shkëmbehen me çmime rekord pasi arritjet e vitit të kaluar tejkaluan pritshmëritë dhe kompania rriti parashikimin e saj për vitin 2023 bazuar në kërkesën e lartë për modelet e shtrenjta si modeli i ri “Purosangue”, me vlerë 390 mijë euro.

Prodhuesi po përpiqet të depërtojë edhe në tregun e automjeteve me energji të qëndrueshme, duke planifikuar të nxjerrë në treg Ferrarin e parë elektrik në 2025-n.

Aktualisht, Piero Ferrari ka një pasuri me vlerë 5.6 miliardë dollarë përmes thuajse 10 për qind të aksioneve në kompaninë e famshme, që e bën atë personin e 467-të më të pasur në botë, sipas treguesit të agjencisë “Bloomberg”.

LEXONI GJITHASHTU:

• Gashi: Rama njeriu me i pasur në vend, vetëm po të jeni budallenj nuk e dini këtë
• Konfiskimi i pasurisë së Rrajës dhe Audit të Kejvina Kthjellës, GJKKO shtyn seancën