Erion Braçe: Pritja e Bashës në Fier nuk ishte entuziaste por kriminale, pasi rrezikon jetë njerëzish

I ftuar në studion e “Ilva Now”, Erion Braçe e cilësoi si kriminale pritjen që i bënë dje Bashës në qytetin e Fierit.

“Pritja e Bashës dje ishte kriminale. Edhe unë e kam gjithë mundësinë që ta heq maskën dhe të komunikoj njerëzisht me ju por më duhet që të përcjell një mesazh tek ata njerëz atje”, u shpre zv. kryeministri i vendit.

Z. Braçe tha për mitingun e Bashës në Fier se është kriminal për shkak se Fieri përbën qarkun e dytë me numër më të lartë të infektuarish dhe të vdekurish nga COVID-19.

“Pritja e Bashës dje ishte kriminale sepse qarku i Fierit është qarku i dytë pas Tiranës me numrin e të infektuarve dhe me numrin e të vdekurve”, tha z. Braçe.

Zv. kryeministri shtoi se entuziazmi me të cilin pritën kreun e PD-së në Fier, ishte entuziazëm i ndjekësve të PD-së dhe jo popullor.

“Nuk ishte entuziazëm popullor por i anëtarëve të PD-së që po shihnin për të disatën herë një karagjoz që nuk mban përgjegjësi as për jetët e atyre njerëzve”, shtoi z. Braçe.

LEXONI GJITHASHTU:

• Erion Braçe kujton Bashkim Finon, momentet e njohjes dhe cilësitë që kishte
• A vendos Rama fatin politik të figurave në PS? Si përgjigjet zv.kryeministri Erion Braçe
• Erion Braçe: Lufta Nacionalçlirimtare duhet t’u duket “Rock” të rinjve
• Braçe: Jemi detyruar të mbajmë kontrata konçensionare që po u prishën i bëjnë dëm shtetit
• Erion Braçe me objektiva të qartë: Në Fier luftojmë për 11 mandate
• ”Thonë se kam harruar që jam pjesë e qeverisë”, Erion Braçe tregon se si do të ishte si opozitar