Ervin Bushati: Termi patronazhist po keqpërdoret, Basha nuk fiton dot as në rrugicën e tij

Ervin Bushati, kandidat për deputet i Partisë Socialiste, numri 3 në listën e qarkut të Tiranës tha për gazetaren Ilva Tare në emisioni Ilva Now se PS është e ndërgjegjshëm të përgjegjshëm për misionin si forca e parë politike, ku siç tha populli ka edhe kërkesat më të mëdha.

I pyetur lidhur me çështjen e shumëpërfolur të patronazhistëve, z. Bushati i shpreh se ky term po keqpërdoret në një kohë që bëhet fjalë për anëtarë të PS dhe struktura të kësaj partie, që siç tha është shumë e organizuar në shumë struktura.

Ai mohoi që të dhënat që disponon PS të jenë të dhëna shtetërore por informacion i mbledhur nga anëtarësia e PS.

“Ajo që është publikuar në mënyrë të transformuar nga një media, nuk është e joni, nuk e kemi fare ashtu sistemin. Të dhënat tona janë online, mjafton të bëhesh anëtar i PS, partia ka anëtarë, patronazhistë, janë terma që përdoren në të gjithë botën.

Databaza jonë është që në 2009 dhe është shumë i detajuar, ne dimë çfarëdolloj sjelljeje të votuese tanë dhe të tyre dhe këtë e quajmë kapital. Ne e bëjmë këtë punë në mënyrë permanente. Basha nuk fiton dot as në rrugicën e tij, në rrugicën ku ka lindur, që është QV 1929. Ka qenë e djathtë dhe me t’u bërë Basha kryetar partie u bë e majtë.

Nuk kemi përdorur të dhëna të shtetit, ne kemi të dhënat tona, është puna e vazhdueshme e strukturave të partisë”, tha z. Bushati.