Escobar e Lajçak kërkojnë nga Vuçiç dialog konstruktiv me Kosovën

Escobar dhe Lajçak kërkuan nga Vuçiç dialog konstruktiv me Kosovën, gjatë një vizite në Beograd të mërkurën.

“Ne nuk kemi ardhur këtu me recetë propozimesh që do të donim t’i impononim. Ne po kërkojmë nga të dyja palët që të jenë konstruktive, t’i ofrojnë vizionet e tyre se si duhet të duket Asociacioni dhe pastaj të negociojnë, në kuadër të dialogut”, tha Escobar në konferencën e përbashkët me Lajçakun.

Por presidenti serb kritikoi palën kosovare “për provokime të njëanshme dhe përpjekje joreale për dialog.”

​Lajçak tha se duhet të zbatohen të gjitha marrëveshjet e deritanishme midis Kosovës dhe Serbisë në kuadër të dialogut, si edhe të arrihet një marrëveshje gjithëpërfshirëse.

I dërguari i SHBA-së Gabriel Escobar dhe përfaqësuesi special i BE-së Miroslav Lajçak, pas përfundimit të vizitës treditore në Kosovë, vizituan sot Serbinë si pjesë e përpjekjeve për vazhdimin e procesit të dialogut.