“Është një lloj Mozarti”, koduesi 7-vjeçar merr ofertë pune nga firma ruse e IT

Një kompani ruse softuerësh ka ftuar një “magjistar kodues” shtatëvjeçar që t’i bashkohet ekipit të saj të menaxhimit, sapo të jetë mjaftueshëm i rritur për të marrë një punë me pagesë.

Sergey nga qyteti rus i Shën Petersburgut ka krijuar një emër për veten e tij, duke ngarkuar video që shpjegojnë se si të shkruani softuer që kur ai ishte pesë vjeç.

Në bazë të këtyre videove, firma e sigurisë së informacionit Pro32 i dërgoi atij një ofertë pune me shkrim, për postin e drejtuesit të trajnimit të korporatës.

Sipas ligjit rus, Sergey nuk do të ishte në gjendje të merrte asnjë rol të paguar derisa të mbushte 14 vjeç, por shefi ekzekutiv i Pro32, Igor Mandik, i tha Shërbimit Botëror të BBC-së se ai kishte folur me prindërit e Sergey për gjetjen e mënyrave për të bashkëpunuar ndërkohë.

“Babai i tij, Kirill, u befasua dhe tha ata ishin vërtet të lumtur dhe mezi prisnin kur Sergey do të ishte në gjendje të bashkohej me kompaninë,” tha zoti Mandik.

“Për mua, ai është një lloj Mozart. Unë jam absolutisht i sigurt se kur të arrijë 14 vjeç, ai do të jetë një guru i mësimdhënies dhe një guru i zhvillimit, dhe kjo është arsyeja pse ne me të vërtetë e presim me padurim këtë kohë,” tha Mandik më pas.

LEXONI GJITHASHTU:

• “Ulërima dhe fjalor i tmerrshëm”, banorja e zonës tregon në lot si u vra 14-vjeçari
• Bëri video fyese për presidentin e Ugandës, TikToker-i dënohet me 32 muaj burg