Gerti Shella ngre pikëpyetjen: Nuk u kuptua nëse Rama e ka pranuar dorëheqjen e Lleshajt

Gazetari dhe anëtari i shoqërisë civile, Gert Shella, thotë se me vrasjen e të riut Klodian Rasha është prishur qetësia dhe rendi publik. Ai tha për Euronews Albania se kemi të bëjmë me një vrasje të pastër, dhe aktet e ndodhura, e bëjnë ngjarjen krejtësisht të pajustifikuar.

“Ngjarjet e fundit janë tragjike dhe klan plagosur qetësinë e të gjithë qytetit, kanë plagosur të gjithë kosheincën shoqërore. Pasi policia ka vrarë një qytetar. Këtu kemi të bëjmë me një vrasje. Paqja sociale është prishur, dhe në ditën e rinisë ajo celebrohet me një vrasje krejt të pajustifikuar”, tha ai.

Gazetari shton se përgjegjësit për vrasjen e të riut duhet të japin llogari para ligjit. “Jemi një situatë problematike dhe është koha për të kërkuan përgjegjësi. Përgjegjësia në mënyrë absolute i duhet kërkuar policit të reparti “shqiponja”, shtoi ai.

Duke komentuar deklaratën për mediat të kryeministrit, Edi Rama, z. Shella tha se “nuk u kuptua nëse është pranuar dorëheqja e ministrit”. “Nuk jam në gjendje të them nëse një dorëheqjen e paraqitur nga ministri Brendshëm është pranuar nga Kryeministri”, deklaroi ai.

Ai i cilësoi të papërshtatshme për situatën fjalët e përdorura nga kryeministri Rama duke iu referuar kryesisht retorikës së tij të përdorur kundër opozitës dhe presidentit.