“Është zhdukur”- Djali denoncon humbjen e kontakteve me të atin, dyshimet e para

Një 78-vjeçar është denoncuar i zhdukur nga familjarët e tij në policinë e Fierit. Ka qenë djali i tij, i cili ka kallëzuar te organet ligjzbatuese humbjen e kontakteve me të atin.

Djali ka deklaruar se 78-vjeçari është larguar nga banesa dhe ka shkuar për peshkim, nga ku nuk është kthyer më. Nga hetimet paraprake dyshohet se i moshuari mund të jetë mbytur në plazhin e Semanit.

“Në Komisariatin e Policisë Fier ka bërë kallëzim shtetasi A. Xh., 41 vjeç, banues në Fier, se babai i tij, shtetasi N. Xh., 78 vjeç, më datë 24.01.2023 ka dalë nga shtëpia për peshkim  dhe nuk është kthyer më.

Nga hetimet e kryera, dyshohet se 78-vjeçari mund të jetë mbytur në det, në plazhin e Semanit”, thuhet në njoftimin e policisë.