Estonia njofton ndihmë ushtarake me vlerë 122 milionë dollarë për Ukrainën

Estonia do t’i dërgojë një paketë tjetër ndihme ushtarake Ukrainës me vlerë 113 milionë euro (122 milionë dollarë), njoftoi të enjten në një deklaratë kryeministrja estoneze Kaja Kallas.

Sipas deklaratës, paketa e ndihmës përfshin dhjetëra obusa, mbi njëqind armë antitank, pajisje mbështetëse artilerie, granatahedhës dhe municione.

“Të gjitha vendet duhet të shikojnë rezervat e tyre dhe të sigurojnë që industritë të jenë në gjendje të prodhojnë më shumë dhe më shpejt. Lufta e Rusisë kundër Ukrainës ka një çmim”-tha Kallas.

Me paketën e fundit të ndihmës, ndihma totale ushtarake e Estonisë për Ukrainën do të rritet në 370 milionë euro.

LEXONI GJITHASHTU: 

• Zaimi jep faktet: Mbi 1000 shqiptarë ndodhen në burgjet e Anglisë
• Soko: Politika shqiptare ka bërë që emigrantët shqiptarë të ndihen të diskriminuar