Zaimi jep faktet: Mbi 1000 shqiptarë ndodhen në burgjet e Anglisë

Gazetarja Gerta Zaimi thotë se deklarata e ministrit britanik për Migracionin, Robert Jenrick për shqiptarët, nuk do të cënojë marrëdhëniet mes dy vendeve.

Në një intervistë për Euronews Albania, Zaimi u shpreh se në burgjet e Anglisë ndodhen 10 mijë të burgosur të huaj, nga të cilët, 1300 shqiptarë.

Sipas saj, kjo tregon që krimi në Angli, nuk është vetëm shqiptar.

“Duhet kuptuar që edhe nga ana teknike e kriminalitetit, të lidhur me trafikun. Aktualisht, në burgjet angleze, flas për Anglinë dhe Uellsin, ka 81 mijë persona të burgosur, nga të cilët 10 mijë janë të huaj dhe nga këto, 1 mijë e 300 janë shqiptarë.

Duke parë këtë shifër, ti e kupton që nuk është krimi shqiptar që bën problemin anglez”, theksoi ajo.

LEXONI GJITHASHTU

• Nota verbale për deklaratën ndaj shqiptarëve, ministri britanik: Nuk jam penduar
• ‘Gjuha diskriminuese ndaj shqiptarëve cenon bashkëpunimin’, notë verbale Britanisë