EURO 2024 | Anglia ‘hakmarret’ ndaj Italisë, fitore edhe për Portugalinë

Anglia triumfoi 2-1 ndaj Italisë në “Stadio Diego Armando Maradona” në sfidën e parë kualifikuese të Euro 2024.

Rice ndëshkoi Axurrët në minutën e 13-të, duke dërguar në festë tifozërinë mike. Në fundin e pjesës së parë, Di Lorenzo prek topin me dorë dhe shkakton penallti, duke i dhënë kështu mundësinë Harry Kane të dyfishojë shifrat.

Një pjesë e parë që u dominua nga anglezët. Në pjesën e dytë, Italia arriti të dominojë ndeshjen dhe te shënojë nje gol. Në fundin e ndeshjes, Anglia u detyrua te luaj me dhjete lojtare kartoni i dytë i verdhë për Shaw e nxorti atë jashtë loje.

Anglia mori 3 pikët në Itali, rezultat të cilin nuk e merrte që prej vitit 1961. Në grupin J, Portugalia nuk hasi probleme ndaj Liechtestein. Portugezet fituan 4-0, në një sfidë pa histori. Ronaldo arriti të shënojë 2 gola mbrëmjen e djeshme.

Përfaqësuesja e Maqedonisë së Veriut mori fitoren e parë në kualifikueset e Euro 2024.

Me tre lojtarë shqiptarë në formacionin Alioski, Bardhi, Musliu e katër të tjerë në stolin e rezervave mposhti 2-1 Maltën në stadiumin “Toshe Proeski” në Shkup. 45 minutat e para u mbyllën pa gola, për të ardhur më pas e minuta e 66-të, kur Ejlif Elmas e dërgoi topin në rrjetë.

Vetëm gjashtë minuta më vonë, Churlinov, realizoi golin e dytë. Në minutën e 86-të, maltezet  shkurtuan diferencën në 2-1.