“EURO 2024′, Granit Xhaka dhe Xherdan Shaqiri do luajnë kundër Bjellorusisë në Serbi

UEFA ka vendosur që ndeshja mes Zvicrës dhe Bjellorurisë, e vlefshme për eleminatoret e kampionatit evropian “EURO 2024”, të zhvillohet në Novi Sad të Serbisë.

Në faqen e saj zyrtare, UEFA ka vendosur stadiumin “Karadjodje” si vendin ku do luhet kjo sfidë, më 25 mars të vitit 2023.

Ky vendim vjen pasi Bjellorusia nuk ka të drejtë t’i zhvillojë ndeshjet në territorin e saj. Perëndimi ka sanksionuar Bjellorusinë pas mbështetjes që i ka dhënë Rusisë në pushtimin e Ukrainës.

Kjo do të jetë një tjetër sfidë e rëndësishme për futbollistët shqiptarë që përfaqësojnë Zvicrën, Xherdan Shaqirin dhe Granit Xhakën.

Ata të dy ishin pjesë e Zvicrës edhe në ndeshjen që e eliminoi Serbinë nga Kupa e Botës në Katar.

LEXONI GJITHASHTU

• Përkeqësohet gjendja shëndetësore e Pele
• Messi drejt Barcelonës, zbulohet data e rikthimit në Kamp Nou
• Historiani: Bëni hulumtime, nuk mund të hidhet poshtë fakti që Messi është arbëresh