Europa vijon të digjet, shkrumbohen hektarë të tërë në Turqi dhe Francë

Një zjarr shpërtheu këtë të premte pranë zonave të banuara në jugperëndim të Turqisë dhe u përhap me shpejtësi në një hotel që gjithashtu shërben si shkollë trajnimi për studentët që punojnë në sektorin e turizmit.

Zyrtarët thonë se nga ky zjarr nuk pati të lënduar.

Flakët shpërthyen në zonën Icmeler, pranë Detit Egje, në provincën e Muglës.

Zjarri u përhap me shpejtësi, i favorizuar dhe nga era.

Flakët që dogjën 7 mijë hektarë pyje në La Teste-de-Buch janë tashmë nën kontroll, por jo 100% të shuara, sipas prefekturës së Zhironde.

Franca po përjeton muajin më të thatë të regjistruar ndonjëherë, me kushte të cilat kanë çuar edhe në kufizime ekstreme të ujit përqark vendit.

Si pasojë e thatësirës në rajonin e Vankluzës në Francë, një skuadër e Zyrës së Biodiversitetit po kontrollon banorët dhe fermerët, për t’i kujtuar atyre kufizimet e ujit në këto kohë krize.

LEXONI GJITHASHTU:

• 4 vatra zjarri në Kepin e Rodonit, zjarrfikësit e Durrësit me mjete primitive
• Turqi, një zjarr në pyll kërcënon hotelet pranë Marmaris