Eurovision turne në 10 qytete evropiane për të festuar 70-vjetorin

Konkursi i këngës në Eurovision do të zhvillojë turneun e tij të parë për të festuar 70-vjetorin ndërsa po përballet me një bojkot për shkak të pjesëmarrjes së Izraelit.

Pesë vende janë tërhequr nga konkursi për shkak të luftës së Izraelit në Gaza, duke lënë 35 të tjera për të marrë pjesë në ngjarjen më të madhe muzikore të transmetuar drejtpërdrejt në botë – numri më i vogël që kur u zgjerua pjesëmarrja në vitin 2004.

“Turneu në qershor dhe korrik do të bashkojë interpretuesit ikonikë të konkursit të këngëve në Eurovision dhe artistët e vitit 2026”, tha Unioni Evropian i Transmetimeve (EBU) në faqen e tij të internetit të enjten.

EBU e përshëndeti turneun si një festë të trashëgimisë së konkursit, komunitetit të tij global të tifozëve dhe shtatë dekadave të muzikës së paharrueshme”.

“Artistët do të performojnë këngët e tyre të konkursit të këngëve në Eurovision plus versione të këngëve të tyre të preferuara nga historia 70-vjeçare e konkursit”, shtoi EBU.

Dhjetë qytete evropiane, përfshirë Londrën dhe Parisin, do të presin turneun nga 15 qershori deri më 2 korrik.