Fati i futbollit shqiptar, Liga Profesioniste mblidhet sërish, pritet vendimi i radhës

Drejtuesit e klubeve të Kategorisë Superiore do të mblidhen sot në orën 11:00 në ambientet e stadiumit “Air Albania” ku do të diskutohet mbi fatin e kampionatit shqiptar.

Liga profesioniste ka bojkotuar kampionatin në tre javët e para, duke kërkuar plotësimin e katër pikave nga qeveria.

Katër kërkesat nga Liga Profesioniste e Futbollit për Qeverinë dhe Kuvendin:

• Miratimin e një ligji të ri për sponsorizimet sipas formës së propozuar nga komuniteti i futbollit, pasi ndryshimet e propozuara nga qeveria nuk kanë asnjë efekt real mbi ekonominë e futbollit.
• Përfshirjen e të gjitha aktiviteteve ekonomike të futbollit në TVSH-në e reduktuar në masën 6%, si bujqësia dhe turizmi dhe jo vetëm infrastrukturën sportive.
• Zerimin e gjobave dhe kamatë-vonesave për detyrimet fiskale të prapambetura për të shmangur kolapsin financiar të klubeve.
• Zgjatjen e efekteve të përjashtimit nga tatimi mbi të ardhurat për sportistët nga 2 në 10 vite.

 “Në përfundim të mbledhjes, që do të zhvillohet në ambientet e stadiumit “Air Albania”, do të ketë edhe një qëndrim zyrtar për mediat nga Liga Profesioniste e Futbollit”,- njoftoi dje Liga Profesioniste e Futbollit. 

Lexoni gjithashtu: 

Ligji i sponsorizimeve, kërkesa kryesore e Ligës së Futbollit, pikat e tjera të diskutueshme

Skuadrat e Superiores protestojnë sërish, as java e tretë nuk luhet

Bojkoti i Superligës, Meta mesazh qeverisë: Dialogoni me Ligën Profesioniste të Futbollit