Viti i ri shkollor sapo ka nisur dhe një nga problematikat që është identifikuar është pikërisht pesha e madhe e çantave të shkollës. Kjo është çanta e Françeskës e cila është ne klasën 6, e peshon plot 5 kg.
Për një 12-vjeçare që relativisht peshën normale trupore e ka 30 kg, çanta kthehet në një problem.
Peshën mbi normë e vërejnë edhe prindërit që janë të detyruar ti shoqërojnë fëmijët në shkollë.
“Ankohet se nuk e mban dot. E sjellë vet në shkollë nuk e lë vet.
“Kam 8 libra në çantë, më rëndon”
Organizata Botërore e Shëndetit thotë se ngarkesa që një fëmijë duhet të mbajë mbi supe nuk duhet të kalojë 10% e peshës trupore të tyre.
Sipas fizioterapistit Gerald Gorari pesha e tepërt sjell probleme në zhvillimin fizik të fëmijës dhe shkakton probleme në shtyllën kurrizore.
“Çantat e rënda janë problematike sepse kanë ndikim të drejtpërdrejtë te kolona vertebrale e fëmijës dhe me rritjen e tyre shfaqen patologji të ndryshme. Duke mos treguar kujdes fëmijët fillojnë shfaqin simptomat e para siç është lodhja dhe dhimbja. Në rastet kronike vështirësohet kurimi i tyre. Problemet posturale shfaqen tek ta siç është shpatulla e rënë nga njëra anë në nivelin torakal, hiperkifoza, skolioza”-shprehet ai.
Mjeku specialist ka edhe disa këshilla për prindërit se sit ë veprojnë me fëmijët.
“Çanta duhet të jetë e pajisur me dy rripa mbrapa, një rrip para tek pjesa e legenit për të qenë sa më e fiksuar dhe e mbështetur në shtylla kurrizore. Gjithashtu jo më e gjatë se postura e fëmijës dhe me e gjerë. E rëndësishme shumë është aktiviteti fizik i fëmijëve siç është noti futbolli basketbolli. Me e rëndësishmja vizitat në mjeku specialist i tyre”
Çantat e rënda tek fëmijët e klasave fillore vazhdojnë të jenë problem i theksuar në vendin tonë, ku shumë fëmijë rrezikohen nga skolioza, sëmundje e cila shkakton deformim të shtyllës kurrizore.
LEXONI GJITHASHTU:
- Radhë tek qendra e konsultave/ Qytetarët presin me orë për të marrë shërbimin
- Fevziu: Në Tiranë ndërtime në çdo cep, janë miliona euro të investuara kot
